Երեկ՝ նոյեմբերի 7-ին, ոստիկանությունը Երևանում կանխել է մինչև ատամները զինված ռազբորկան։

Ոստիկանությունում ժամը 20։30-ին օպերատիվ տեղեկություններ են ստացվել, որ Երվանդ Քոչար փողոցում մի խումբ երիտասարդների միջև զինված ռազբորկա է տեղի ունենում։  

Ինչպես  հայտնում է shamshyan.com-ը, նշված վայր են ժամանել ոստիկանության ծառայողները, Պարեկային ծառայության պարեկները։ Դպքի վայրում աշխատում են  քննիչները։  Տեղի բնակիչները հայտնել են, թե տեղի է ունեցել զինված «ռազբորկա», հնչել են կրակոցներ:

Դեպքի վայրից ոստիկանության Կենտրոնական բաժին է տեղափոխվել 2 վնասված ավտոմեքենա։

Ըստ նախնական տեղեկությունների՝ նշված ավտոմեքենաները կապ ունեն միջադեպի հետ։

Ոստիկանները նշված վայրում հայտնաբերել են 1 հատ մարտական թմբուկավոր ատրճանակ, իսկ Mazda 6 մակնիշի ավտոմեքենայում՝ վարորդի նստատեղին մեկ այլ մարտական զենք,  ավտոմեքենայի դռան գաղտնի վայրում էլ ևս մեկ մարտական զենք։

Կայքի տեղեկություններով՝ բերման ենթարկվածների մեջ կան «ոսկե երիտասարդներ», մի մասին էլ ոստիկանությունը որոնում է ու պարզել է նրանց ինքնությունը։   Դեպքի փաստով նախաձեռնվել է քրեական վարույթ։