Կարդացեք նաև
ՀՀ ՊՆ-ն ծանուցել է զենքի մատակարարման պայմանագրի խզման մասին
ՀՀ ՊՆ-ն խզել է զենքի մատակարարման պայմանագիրը հորդանանյան Jadara Equipment & Defense Systems Co ընկերության հետ։  Հայաստանի ֆինանսների նախարարության կայքում չորեքշաբթի օրը հրապարակվել է երկրի պաշտպանության փոխնախարար Կարեն Բրուտյանի ստորագրությամբ նամակ։

Ըստ նամակի` Հայաստանի պաշտպանության նախարարության և Jadara Equipment & Defense Systems Co-ի 06.08.2021թ. պայմանագրով պետք է ապահովվեր ապրանքների մատակարարումը, սակայն դա չի արվել։ 

«Պայմանագրի կետերով՝ Հայաստանի պաշտպանության նախարարությունը միակողմանի խզում է պայմանագիրը»,- ասված է ՊՆ փոխնախարարի նամակում։

Հայաստանի պաշտպանության նախարարությունը հորդանանյան ընկերությանը ծանուցել է, որ հինգ օրվա ընթացքում պետք է վճարի 23 միլիոն դրամի (մոտ 57 հազար դոլար) տուգանք։

Ավելի վաղ ՀՀ վարչապետ Նիկոլ Փաշինյանը բազմիցս հայտարարել էր, որ կան գործընկերներ, որոնք չեն ավարտել զենքի մատակարարումը արդեն վճարված պայմանագրերով։
02 Նոյեմբեր‎ 2022 - 21:58
1195
Աղբյուր auroranews.am

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև