Կարդացեք նաև
ՃՏՊ Դավթաշենի կամրջի մոտակայքում․ կա տուժած․ ԱԻՆ-ը մանրամասնում է
Նոյեմբերի 2-ին, ժամը 08:45-ին Ճգնաժամային կառավարման ազգային կենտրոն ահազանգ է ստացվել, որ Երևանի Դավթաշենի կամրջի մոտակայքում տեղի է ունեցել ՃՏՊ՝ բախվել է երկու ավտոմեքենա, որոնցից մեկը դուրս է եկել ճանապարհի երթևեկելի հատվածից և ընկել ձորը․ անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ բախվել են «Mazda 6» (վարորդ՝ Լ․ Բ․, ծնված 1951 թ․) և «Nissan Tiida» (վարորդ՝ Է․ Խ․) մակնիշների ավտոմեքենաները, «Mazda 6» մակնիշի ավտոմեքենան դուրս է եկել ճանապարհի երթևեկելի հատվածից և հայտնվել ձորում՝ ծառի վրա. Լ․ Բ․-ն հոսպիտալացվել է «Արմենիա» ՀԲԿ։

Փրկարարները հոսանքազրկել են ավտոմեքենաները և փակել «Nissan Tiida» մակնիշի ավտոմեքենայի գազի բալոնի փականը։
02 Նոյեմբեր‎ 2022 - 14:21
67
Աղբյուր news.5tv.am

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև