«Սիլվայի գործով» ընդհանուր իրավասության դատարանի Շենգավիթի նստավայրում այսօր պետք է կայանար հերթական նիստը, սակայն այն կրկին հետաձգվեց։ «Հայաստան» դաշինքի պատգամավոր և ՀՀ նախկին փոխվարչապետ Արմեն Գևորգյանի փաստաբան Լուսինե Սահակյանը դիմում էր ներկայացրել դատարան, տեղեկացրել, որ վատառողջ է, չի կարող ներկայանալ դատարան։
Հիշեցնենք, որ նախորդ նիստը ևս հետաձգվել էր։ Գործով անցնում են ՀՀ երկրորդ նախագահ Ռոբերտ Քոչարյանն ու ՀՀ նախկին փոխվարչապետ Արմեն Գևորգյանը։
Տեղեկացնենք նաև, որ թե Քոչարյանը, թե Գևորգյանը ներկայացել էին դատարան։
