Կարդացեք նաև
Թուրքիայի արտգործնախարարն անդրադարձել է արցախյան թեմային
Թուրքիայի Հանրապետության արտաքին գործերի նախարար Մևլութ Չավուշօղլուն Աքդենիզի համալսարանում ունեցած ելույթի ժամանակ համառոտ անդրադարձ է արել արցախյան թեմային։

Նա շեշտել է, որ Թուրքիայի նախագահ Ռեջեփ Թայիփ Էրդողանի ու Ադրբեջանի նախագահ Իլհամ Ալիևի ստորագրած Շուշիի հռչակագրով երկու երկրների հարաբերությունները բարձրացվել են դաշնակցային մակարդակի:

«Ջան Ադրբեջանին ցուցաբերած մեր աջակցության շնորհիվ վերջ տրվեց 30 տարվա անարդար օկուպացիային: Ու հիմա տեսնում ենք, թե ինչպես են զարգանում և վերելք ապրում օկուպացիայից ազատագրված տարածքները:

Այդ հողերը Ֆիզուլիի ու Զանգիլանի օդանավակայանների բացումով արդեն կապվեցին աշխարհի հետ: Մենք համալսարաններից եկած ստաժորներին մեր դիվանագետների հետ ուղարկել ենք այնտեղ, որպեսզի նրանք ականատես լինեն պատմությանը»,- եզրափակել է Չավուշօղլուն։
31 Հոկտեմբեր‎ 2022 - 17:40
73
Աղբյուր 168.am

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև