Կարդացեք նաև
Սպիտակ քաղաքի «Լվա ինքդ» ավտոլվացման կետում՝ բեռնատարի մոտ, հայտնաբերվել է տղամարդու դի
Հոկտեմբերի 28-ին ողբերգական դեպք է տեղի ունեցել Լոռու մարզում։

Ժամը 16։00-ի սահմաններում ոստիկանության Սպիտակի բաժին ահազանգ է ստացվել Սպիտակ քաղաքի Երևանյան խճուղի 66/68 հասցեի ավտոլվացման կետի սեփականատիրոջ կողմից, ով հայտնել է, որ «Լվա ինքդ» կետում տղամարդու դի կա։

Ինչպես հայտնում է shamshyan.com-ը՝ դեպքի վայր են ժամանել ոստիկանության, քննչական կոմիտեի աշխատակիցները, ովքեր նշված «Լվա ինքդ» ավտոլվացման կետում MAN մակնիշի բեռնատարի մոտ հայտնաբերել են Երևանի բնակիչ 63-ամյա Սարգիս Սարգսյանի դին։ 

Դատաբժշկի նախնական եզրակացության համաձայն՝ դիակի արտաքին զննությամբ բռնության հետքեր չեն հայտնաբերվել։

Դեպքի փաստով Սպիտակի քննչական բաժնում նախաձեռնվել է քրեական վարույթ։

Քննիչի որոշմամբ՝ նշանակվել է դիակի դատաբժշկական փորձաքննություն։ Կայքի տեղեկություններով՝ մահացածն աշխատում էր «Գանա Լոջիստիքս» ՍՊԸ-ում։
30 Հոկտեմբեր‎ 2022 - 13:30
104
Աղբյուր armtimes.com

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև