Կարդացեք նաև
Զելենսկին լուսանկարվել է խոցված «իրանական» անօդաչուի ֆոնին
Ուկրաինայի նախագահ Վլադիմիր Զելենսկին լուսանկարվել է կործանված Շահիդի («իրանական» անօդաչու Shahed 136 - խմբ.) ֆոնին։ Լուսանկարը հրապարակել է նախագահի աշխատակազմի ղեկավար Անդրեյ Երմակը։

Լրատվականները հրապարակել են նաև տեղեկատվություն այն մասին, որ իրականում լուսանկարում իրանական անօդաչու չէ, այլ ռուսական արտադրության անօդաչու թռչող սարք։ 

Նախօրեին, Ուկրաինայի նախագահ Վլադիմիր Զելենսկին վստահեցրել է, որ Ուկրաինայի դեմ պատերազմում ռուսական բանակի կորուստներն ավելի մեծ են դառնալու, և արդյունքում ռուսական կողմը կդառնա կապիտուլյանտ։

«Մեր համատեղ ուժերով մենք, անշուշտ, կտրելու ենք բոլոր մետաղական հրեշների թևերը, անկախ նրանից, թե քանիսն են և որտեղից թռչեն Ուկրաինայի ուղղությամբ: Թշնամու ինքնաթիռները կընկնեն, թշնամու ուղղաթիռները կընկնեն, «Շահեդ»-ները կընկնեն, կանգնուն կմնա միայն ուկրաինացի ժողովուրդը»,- ասել է Զելենսկին։

Նրա խոսքով՝ «երկու օրվա ընթացքում ռուսները 30-ից ավելի անօդաչու թռչող սարք են ուղարկել»:
28 Հոկտեմբեր‎ 2022 - 14:25
42
Աղբյուր auroranews.am

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև