Կարդացեք նաև
Երևանում հայտնաբերվել է ծառից կախված տղամարդու դի․ հայտնաբերվել է նաև նամակ
«Shamshyan.com»-ի տեղեկություններով՝ այսօր՝ հոկտեմբերի 24-ին, ողբերգական դեպք է տեղի ունեցել Երևանում։ Ժամը 10։40-ի սահմաններում ոստիկանության Մալաթիայի բաժին ահազանգ է ստացվել, որ Հաղթանակ թաղամասում գործող ՀՀ աշխատանքի և սոցիալական հարցերի նախարարության «Երևանի թիվ 1 տուն-ինտերնատի» բակում ծառից կախված տղամարդու դի կա։ 

Ինչպես հայտնում է ֆոտոլրագրող Գագիկ Շամշյանը, նմանատիպ մեկ այլ ահազանգ էլ ստացվել  է Արտակարգ իրավճակների նախարարության Փրկարար ծառայության 911 ճգնաժամային կառավարման կենտրոն։ 

Ոստիկաններն ու քննիչները պարզել են, որ մահացածը 80-ամյա Պերճ Գ․-ն էր, ում մոտ հայտնաբերվել է նաև նամակ, որում մասնավորապես գրել է, որ իր մահվան մեջ ոչ ոք մեղավոր չէ։

«Եվ որևէ մեկին չմեղադրեք։ Սա իմ մտքի թռիչքն է։ Չեմ դիմանում ցավերին։ Չեմ ուզում ավելորդ տեղը չարչարվեմ»։  

Դեպքի փաստով Մալաթիայի քննչական բաժնում նախաձեռնվել է քրեական վարույթ։
24 Հոկտեմբեր‎ 2022 - 13:14
254
Աղբյուր news.5tv.am

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև