Երեւանի ավտոբուսային հավաքակազմը կհամալրվի 15 նոր ավտոբուսով: Այս մասին այսօր հայտարարվեց Երեւանի ավագանու հերթական նիստի ժամանակ: Ավագանին հավանություն տվեց բյուջեում փոփոխություն կատարելու որոշման նախագծին, որով ավտոբուսների գնման համար 663 մլն դրամ կհատկացվի:
Հիշեցնենք՝ Երեւանի ավագանու հերթական նիստն այսօր ուշացումով մեկնարկեց: Երեկ գիշեր ադրբեջանական ագրեսիայի հետեւանքով մեր երկրում տիրող իրավիճակով պայմանավորված՝ օրակարգային հարցերի մեծ մասը հանվել են:
Նկատենք՝ նախապես հրապարակվել էր օրակարգային 20 հարց, դրանց մեջ ներառված էր նաեւ նախկին փոխվարչապետ Տիգրան Ավինյանին փոխքաղաքապետ նշանակելու հարցը: Ավինյանին փոխքաղաքապետ նշանակելու հարցը եւս բացակայում էր: Նիստի ընթացքում ընդամենը 4 հարց քննարկվեց եւ հնարավորինս արագացված տեմպերով:
