Կարդացեք նաև
Երևանում «Կամազ»-ը հարվածել է ծառին, գազատար խողովակին, սյանը, այնուհետ` կողաշրջվել բախվելով 2 մեքենայի
Հոկտեմբերի 20-ին` ժամը 02:39-ին, Ճգնաժամային կառավարման ազգային կենտրոն ահազանգ է ստացվել, որ Երևանի Խորենացի փողոցի թիվ 168 հասցեի մոտակայքում տեղի է ունեցել ՃՏՊ, ավտոմեքենան կողաշրջվել է. առկա է վառելիքի արտահոսք:

ԱԻՆ պաշտոնական կայքում հրապարակված տեղեկատվության համաձայն` դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ «KamAZ» մակնիշի ավտոմեքենան (վարորդ՝ Խ. Վ.) բախվել է ծառին, գազատար խողովակին (առկա է արտահոսք) և էլ․ սյանը, այնուհետև կողաշրջվել՝ բախվելով մոտակայքում կայանած «VAZ-2106» (վարորդ՝ Խ. Հ.) և «Mini Cooper» (վարորդ՝ Ա. Դ.) մակնիշների ավտոմեքենաներին:

Փրկարարներն իրականացրել են հերթապահություն մինչ համապատասխան ծառայությունների մոտենալը:
20 Հոկտեմբեր‎ 2022 - 09:42
38
Աղբյուր armtimes.com

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև