Չեք պատկերացնի՝ կինը դիրքում ոնց է կռվել, ոնց են մի ամբողջ ձորակում թուրքերի կոտորած կազմակերպել. Հովհաննիսյան
Ռազմական փորձագետ Արծրուն Հովհաննիսյանը «Առաջին լրատվական»-ի հետ զրույցում՝ խոսելով սեպտեմբերի 13-ին Ադրբեջանի սանձազերծած ագրեսիայի մասին, ասել է. «Գիտե՞ք ինչ հրամանատարներ ունենք, որ ոչ մի բանից չեն թևաթափվել, ոչ մի բանից չեն կոտրվել, ոչ մի ակնկալիք էլ չունեն՝ ո՛չ ֆինանսական, ո՛չ բնակարանի, ուղղակի իրենք իրենց զորքից փոխադարձ մոտիվացվում են... Դուք չեք պատկերացնի՝ ինչ հերոսական դրվագներ են տեղի ունեցել: Երբ ամեն ինչ ավարտվի, վերադառնանք խաղաղ, բնականոն կյանքին, սկսելու եմ պատմել, մի քանի բան էլ գրի եմ առել: Չեք պատկերացնի՝ կինը դիրքում ոնց է կռվել տղամարդկանց հետ, ոնց են տարբեր դիրքից մի ամբողջ ձորակում թուրքերի կոտորած կազմակերպել... աչքովս եմ տեսել, թե ինչ էներգետիկայով, ինչ նվիրում են պաշտպանում հայրենիքը»:
