Կարդացեք նաև
Ռուսաստանը իսլամական բանակ է ձեւավորում Թուրքիայի դրոշի ներքո․ Հառաջ, «ադրբեջանցիներ» ՖՈՏՈ
Ուկրաինական ալիքների հաղորդագրությունների համաձայն՝ հավաքակայաններում ռուսաստանցի մոբիլիզացվածներից և կամավորներից ստեղծվում է հատուկ իսլամական աշխարհազոր Թուրքիայի դրոշի ներքո։ Իսլամական կազմավորումների ողնաշարը ներկայացված է «ադրբեջանական ծագումով» ՌԴ քաղաքացիներից՝ ինչպես հյուսիսկովկասցի, այնպես էլ անդրկովկասցի։ Հրամանատարության մեջ են մտցվել կադրային թուրք սպաներ։

Եթե ​​հիշենք անցյալ դարի 20-ականների սկիզբը և թուրքեստանյան ճակատ անգլիացիների դեմ նետված Իսմայիլ Էնվեր փաշային՝ Ռուսաստանի կայսերական բանակի գլխավոր շտաբի գործակալին եւ երիտթուրքական կառավարության ռազմական նախարարին, ուրվագծվում է դասական կոմբինացիա հենց ռուսների կողմից աճեցված պանթյուրքիզմի գաղափարախոսության ոգով։

Վերջապես, մենք գտանք մեր ազգային դրոշը, և Ալլահը ռազմաճակատից վերադառնալու մեր սաղ-սալամաթն է․ հյուսիսկովկասցի թուրքը խոսափողով խոսում է դեպի Ուկրաինա երթի ժամանակ (TG channel Ukraine 365)
 
Ռուսաստանի բնական գազի պաշարներին անվճար տիրանալու և վերահսկելու՝ Թուրքիային արված Վլադիմիր Պուտինի սենսացիոն առաջարկների լույսի ներքո Ռուսաստանի Դաշնության տարածքում «թյուրքական բանակի» ձևավորումը նման է Հարավային Կովկասից և Հյուսիսային Կովկասից Ռուսաստանի հեռանալու ծրագրի արագացված իրագործման՝ անմիջականորեն թուրքական ինքնիշխանությանն այդ տարածքների հանձնմամբ։

Նիկոլ Փաշինյանը և քպ-ական խմբակն այս ծրագրի առանցքային տարրն են։ Մտահղացման շարժիչ ուժը պատմական նեոֆիտներն են՝ այսպես կոչված «ադրբեջանցիները», իսկ ծախսվող նյութը պատմական էներգիան կորցրած ու ինֆանտիլիզմի մեջ ընկած հայերն են։ 20-րդ դարի սկզբին Արեւմտյան Ասիայի եւ Կովկասի էթնոտարածքային վերաբաշխումը թեւակոխում է վերջնական փուլը։ Հայերի ճակատագիրը բացառապես հենց հայերի ձեռքերում է։

Պավել Դալլաքյան, Լրագրի համար
Լուսանկարներ
18 Հոկտեմբեր‎ 2022 - 00:00
104
Աղբյուր lragir.am

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև