Կարդացեք նաև
ՏԵՍԱՆՅՈՒԹ. Յեյսկում Սու-34 է ընկել. զոհերի վերաբերյալ առաջին տեղեկություններն են ստացվել
Յեյսկի բնակելի շենքում բռնկված հրդեհից հետո տարհանվածներին ժամանակավոր կտեղավորեն պանսիոնատներում։
ԵՐԵՎԱՆ, 17 հոկտեմբերի – Sputnik. Յեյսկում ռազմական Սու-34 ինքնաթիռի կործանման հետևանքով, նախնական տվյալներով, 3 մարդ է մահացել, 19-ը հիվանդանոց են տեղափոխվել (այդ թվում՝ 3 երեխա)։ Այս մասին հայտնում է Կրասնոդարի երկրամասի քաղպաշտպանության և արտակարգ իրավիճակների նախարարությունը։

Ավելի վաղ հայտնել էինք, որ Կրասնոդարի Յեյսկ քաղաքում բնակելի տան վրա ռազմական СУ-34 ինքնաթիռ է ընկել։
Նշվում է, որ բնակելի շենքում բռնկված հրդեհից հետո տարհանվածներին ժամանակավոր կտեղավորեն պանսիոնատներում։

«Դեպքի վայրում աշխատում են շրջանի և երկրամասի արտակարգ ծառայությունները։ Երկրամասի հրշեջ հաշվարկները ներգրավված են տեղի բնակչության տարհանման գործում։ Բացի այդ, դեպքի վայրում աշխատում են «Կուբան–ՍՊԱՍ»–ի փրկարարները, բժիշկներ և այլ ծառայությունների մասնագետներ։
Տարհանվածներին ժամանակավոր կտեղավորեն պանսիոնատներում», – ասվում է նախարարության Telegram–ում տեղադրված հաղորդման մեջ։

ՌԴ ՊՆ տվյալներով` Հարավային ռազմական օկրուգի ռազմական օդանավակայանից ուսումնամարզական թռիչքի ժամանակ բարձրանալիս ինքնաթիռը ընկել է բնակելի շենքի վրա, ինչի հետևանքով հրդեհ է բռնկվել։ Տեղում աշխատում են արտակարգ ծառայությունների խմբերը։
Ինքնաթիռի կործանման փաստով քրեական գործ է հարուցվել, ստուգումներ են իրականացվում։
Վիդեո
17 Հոկտեմբեր‎ 2022 - 23:27
39
Աղբյուր armeniasputnik.am

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև