Ֆիզիկական ակտիվ կյանքը, մարզվելը, բարձրացնում է կանանց և տղամարդկանց սեքսուալ հնարավորությունները, «Փաստինֆո»-ի «Կանանց անկյուն» հեղինակային հաղորդաշարի եթերում ասել է սեքսոլոգ Լուսինե Ստեփանյանը:

Նա պատմել է, որ բավականին հաճախ է ստանում նամակներ հետևյալ բովանդակությամբ`«ծննդաբերությունից հետո զգում եմ, որ հեշտոցս լայնացել է, և հարաբերության ժամանակ օդ է հավաքվում, հարաբերության ժամանակ հեշտոցիցս ձայներ են գալիս, անդամի ներհրումները չեմ զգում, ինչից կլինի, ինչպես ազատվեմ այդ խնդրից»։

Ըստ բժշկուհու`պատճառը մեկն է, կոնքի հատակի մկանների կամ այլ կերպ ասած ինտիմ մկանների չմարզված լինելը։

«Միշտ հորդորում եմ վարել ակտիվ կյանք, ինչը ենթադրում է ունենալ որոշակի ֆիզիկական ծանրաբեռնվածություն, մարզված մարմին, որը թույլ կտա մեր օրգանիզմը պահպանել առողջ, մարզված և էսթետիկ», - ասել է սեքսոլոգն ու ավելացրել. «մասնավորապես իմ կին այցելուներին և հետևորդներին միշտ խորհուրդ եմ տալիս, մարզվել` նախքան հղիության պլանավորումը, որը թույլ կտա խուսափել հետծննդաբերական մի շարք խնդիրներից , որոնցից մեկն էլ հեշտոցի լայնացումն է»։

Ինչու է կարևոր մկանների մարզելը:

«Առաջին հերթին լավացնում է արյան շրջանառությունը, մասնավորապես սեռական օրգանների ՝ վերացնելով նստակյաց կյանքի հետևանքով առաջացած կանգային պրոցեսները, ուզում եմ նշել որ նստակյաց պասիվ կյանքի հետևանով առաջինը տուժում են սեռական օրգանները, քանի որ կանգային պրոցեսները առաջին հերթին տեղի են ունեում այնտեղ: Լավացնում է սեքսուալ զգացողությունները, որը պայմանավորված է ինչպես արյան շրջանառության լավացմամբ, այնպես էլ ֆիզիկական ակտիվության ժամանակ տեղի ունեցով մարմնի էսթետիկ տեսքի դրական որի շնորհիվ բարձրանում է ինքնագնահատականը և այդ ինքնավստահությունը տեղափոխվում է անկողին։

Բարձրացնում է դիմադրողականությունը ֆիզիկական ծանրաբեռնվածության նկատմամբ, չենք մոռանում որ սեքսը շատ ուժեղ ֆիզիկական ծանրաբեռնվածություն է օրգանիզմի համար։ Դե իհարկե չենք մոռանում նաև մարմնի ճկունության մասին, որը թույլ կտա փորձել տարբեր դիրքեր և ավելի հետաքրքիր կդարձնի սեռական կյանքը», - ասել է սեքսոլոգ Լուսինե Ստեփանյանն արձանագրելով. «ֆիզիկական ակտիվ կյանքը, մարզվելը, բարձրացնում է կանանց և տղամարդկանց սեքսուալ հնարավորությունները»։

Բացի այդ` նվազեցնում է սթրեսը, քանի որ ֆիզիկական մարզանքների ժամանակ արտադրվում է էնդորֆին՝ երջանկության հորմոն, որը նվազեցնում է սթրեսի մակարդակը, լավացնում ինքնազգացողությունը, հետևաբար լավացնում սեռական ցանկությունը։

Ինչ աստիճանի մարզումներն են ավելի էֆեկտիվ սեռական առողջության համար:

«Սեքսուալ ֆունկցիայի վրա առավել բարերար ազդեցություն է ունենում չափավոր ֆիզիկական վարժությունները ( մինչև 6 ժամ շաբաթական), քան առավել ինտենսիվ պարապմունքները:

Կանանց սեքսուալ ֆունկցիան, ներառյալ սեռական ցանկությունը, լուբրիկացիան և օրգաստիկ ֆունկցիան լիարժեք ակտիվ են լինում չափավոր ֆիզիկական վարժություններով ծանրաբեռնվածության ժամանակ:

Հատուկ ցանկանում եմ նշել Կեգելի վարժության մասին, որի էֆեկտիվությունը շատ բարձր է։

Ամենակարևորը, ֆիզիկական ակտիվությամբ պետք է զբաղվել գրագետ ձևով, քանի որ ինչքան դրական է այն ազդում առողջության վրա, սխալ անելու դեպքում կարող է մեծ վնասներ հասցնի առողջությանը։

Մարզումների ժամանակ փորձեք զգալ Ձեր մարմինը, ոչ թե մեխանիկորեն կատարեք», - ասել է նա։

Մանրամասները` տեսանյութում: