Կարդացեք նաև
Համոզված եմ` բարեփոխումներից կարճ ժամանակ անց մեր սեփական լուծումներով բայրակթարներին ճանճերի պես թափելու ենք ցած. Վահրամ Մարտիրոսյան
Ապիկար-դավաճանների ռեժիմի տապալումից հետո առաջին գործը պետք է լինի հենց ռազմարդյունաբերության աշխատեցումը։ Այդ մասին Ֆեյսբուքի իր էջում գրել է «Զանգի» հայկական հավելվածի հիմնադիր Վահրամ Մարտիրոսյանը և ներկայացրել այն քայլերը, որոնք առաջնահերթ պետք է կատարվեն: «Իրանը գտնվելով սանկցիաների տակ, ունենալով տեխնոլոգիաներին սահմանափակ հասանելիություն ու զիջելով Հայաստանին IT ոլորտում, կարողանում է ստեղծել 50+ կգ հզորությամբ հարվածային ԱԹՍ-ներ, իսկ մենք վերջնական աշխատող նույնիսկ 3 կիլոգրամանոց չունենք։

Դուրս է գալիս, որ "ժողովրդավարության բաստիոն" Հայաստանը իր պետական կառավարման արդյունավետությամբ բազմակի անգամներ զիջում է կրոնական սկզբունքներով կառավարվող իրանական պետությանը։

Ապիկար-դավաճանների ռեժիմի տապալումից հետո առաջին գործը պետք է լինի հենց ռազմարդյունաբերության աշխատեցումը։ Դրա համար անհրաժեշտ կլինի կատարել հետևյալ քայլերը՝

1. Ռազմարդյունաբերության բյուջեն ներկայի մոտավոր 10 միլիոնի փոխարեն հասցնել 100 միլիոն դոլարի։

2. Պրոյեկտների ֆինանսական բաղադրիչում մտցնել այնպիսի պրատակոլ, որը կբերի ռազմարդյունաբերության ոլորտի աշխատակիցների աշխատավարձերի բազմակի աճի։ Ամենաբարձր աշխատավարձերը ու լավագույն մասնագետները պետք է կենտրոնացած լինեն հենց այս ոլորտում։

3. Կլասթերների սկզբունքով կառուցել բոլոր մշակման և արտադրական պրոցեսները։

4. Վերաստրուկտուրավորել և կարգավորել իրավունք-պատասխանատվություն բալանսը։

5. Գործառույթներում ավելացնել նմուշների տակտիկական ինտեգրման, ինժեներական, կիբեռ և այլ խնդիրներ։

Ու սրանք դեռ փոփոխությունների մի մասն են, որոնք անհրաժեշտ է իրականացնել մեր տեխնոլոգիական մեծ պոտենցիալը վերջապես աշխատացնելու համար։

Համոզված եմ, բարեփոխումներից կարճ ժամանակ անց մեր սեփական լուծումներով բայրակթառներին ճանճերի պես թափելու ենք ցած»,-գրել է նա։


17 Հոկտեմբեր‎ 2022 - 11:13
40
Աղբյուր pastinfo.am

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև