Կարդացեք նաև
Էրդողանը շնորհակալություն է հայտնել Թուրքիային ցավակցություններ փոխանցած երկրներին, այդ թվում՝ Հայաստանին
Թուրքիայի նախագահ Ռեջեթ Թայիփ Էրդողանը շնորհակալություն է հայտնել Բարտին քաղաքի ածխահանքում պայթյունի կապակցությամբ Թուրքիային ցավակցություն հայտնած երկրներին։

«Թուրք ժողովրդի անունից ցանկանում եմ երախտագիտություն հայտնել այն բոլոր բարեկամ պետություններին ու նրանց ժողովուրդներին, որոնք կիսել են Բարտինում մեր ապրած ցավը՝ իրենց ցավակցություններով և շուտափույթ ապաքինման ուղերձներով»,- թվիթերում գրել է Էրդողանը ու հրապարակել է ցավակցական ուղերձ հղած երկրների, այդ թվում՝ Հայաստանի դրոշը։ 

Ավելի վաղ հայտնել էինք, որ ՀՀ ԱԳ նախարար Արարատ Միրզոյանը թվիթերում ցավակցել է Թուրքիայի արտգործնախարար Մևլութ Չավուշօղլուին՝ Թուրքիայի Բարտինն քաղաքի ածխահանքում պայթյունի կապակցությամբ: Չավուշօղլուն, իր հերթին շնորհակալություն էր հայտնել Միրզոյանին։

Նշենք, որ վերջին տվյալի համաձայն՝ ածխահանքում վթարի հետևանքով զոհերի թիվը հասել է 41-ի։
17 Հոկտեմբեր‎ 2022 - 10:26
35
Աղբյուր armtimes.com

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև