ՀՀ ԱԳ նախարար Արարատ Միրզոյանը Թուրքիայի ԱԳՆ ղեկավար Մևլութ Չավուշօղլուին ցավակցել է Թուրքիայում ածխահանքի պայթյունի կապակցությամբ:
«Անկեղծորեն ցավակցում եմ Բարտինում ածխահանքի պայթյունի հետևանքով բոլոր զոհվածների հարազատներին։ Արագ վերականգնում եմ մաղթում բոլոր վիրավորներին,- գրել է Միրզոյանը՝ գրառման մեջ նշելով Չավուշօղլուին։
ՀՀ արտգործնախարարի գրառմանը պատասխանել է թուրք պաշտոնյան:
«Շնորհակալություն, պարոն նախարար, անկեղծ ցավակցությունների համար»,- գրել է Չավուշօղլուն։
Նշենք, որ ըստ տեղեկությունների, զոհերի թիվն այս պահին հասել է 41-ի։
