Պաշտպանության նախարարությունը ուսումնասիրում է հայ ռազմագերիներին խոշտանգելու վերաբերյալ այսօր տարածված տեսանյութը։ Այս մասին «Փաստինֆո»-ին ասել է ՊՆ խոսնակ Արամ Թորոսյանը:
Ավելի վաղ Auroranews.am-ը գրել էր, որ հրապարակվել են նոր կադրեր թշնամու կողմից հայ զինորների նկատմամբ իրականացված ռազմական հանցագործություններից:
«...սա հերթական, և առայժմ անպատիժ ռազմական հանցագործություններից է, որով հպարտանում և տարածում են հենց իրենք` ադրբեջանցիները: Կադրերում երեւում է 3 հայ զինծառայող, որոնցից 1-ը, ամենայն հավանականությամբ, զոհվել է, իսկ 2-ը ՝ վիրավորվել, նրանց ճակատագրի մասին տեղեկություններ դեռ չկան»,- գրել է Баграмян 26-ը՝ տարածելով տեսանյութը:
Аuroranews.am-ը չի փակել տեսանյութում երևացող տղաների դեմքերը, որպեսզի կադրերը հնարավոր լինի օգտագործել` զինվորներին նույնականացնելու գործընթացում:
