Երեկ՝ հոկտեմբերի 10-ին, դանակահարություն է տեղի ունեցել Երևանում։ Ժամը 11։10-ի սահմաններում «Տոնոյան» բժշկական կենտոնից ահազանգ է ստացվել ոստիկանության Շենգավիթի բաժին, որ իրենց բժշկական կենտրոնում դանակահարված քաղաքացի կա։

Shamshyan.com-ի փոխանցմամբ՝ նշված վայր մեկնած ոստիկանները պարզել են, որ վիրավորը Կոտայքի մարզի բնակիչ 18-ամյա Տիգրան Հ․-ն է, ով «կրծքավանդակի կրտրած-ծակած վերք» ախտորոշմամբ գտնվում է նշված բժշկական կենտրոնում։ 

Մինչ վիրավորին անհրաժեշտ բուժօգնություն էին ցուցաբերում բժիշկները, որոնց շնորհիվ հնարավոր է եղել փրկել երիտասարդի կյանքը, ոստիկանները պարզել են, որ նշված բժշկական կենտրոնի նկուղային հարկում Տիգրան Հ․-ին դանակի հարվածներ է հասցրել Գեղարքունիքի մարզի բնակիչ 17-ամյա Ղուկաս Գ․-ն։

Շենգավիթի ոստիկանները ձեռարկում են անհրաժեշտ միջոցառումներ վերջինիս և հանցագործության գործիք՝ դանակը հայտնաբերելու ուղղությամբ։