Կարդացեք նաև
ՏԵՍԱՆՅՈՒԹ Երեք տեղից վիրավոր զինվորին սեպտեմբերի 13-ից չեն կարողանում հանել. ՊՆ-ն ասում է՝ բանակցություններ են վարում
Սեպտեմբերի 13-ից վիրավոր զինծառայող Վահե Թորոսյանի կյանքը մազից է կախված: Հրամանատարը հարազատներին վստահեցրել է, որ Վահեի գտնվելու վայրի կոորդինատները փոխանցել է ՊՆ, բայց առայսօր նրան չեն հանել: Այդ մասին այսօր ՊՆ-ի դիմաց լրագրողների հետ զրույցում ասաց Վահե Թորոսյանի հայրը:

«Նախարարությունում էլ գիտեն կոնկրետ կոորդինատը, բայց ասում են տարածքն Արդբեջանի վերահսկողության տակ է անցել, բանակցություններ ենք վարում, որ թույլ տան մտնել: Ասել են՝ երբ վստահ լինենք, որ չեն կրակի, ԿԽՄԿ-ի մեր ու Ադրբեջանի ներկայացուցիչները կմտնեն: Ասացի թույլ տվեք ես իմ գյուղացիներով կմտնեմ, կհանեմ»,-ասում է հայրը:

Վահեի հարևանն էլ լրագրողներին ասաց, որ Վահեն երեք տեղից վիրավոր է և մոր հետ վերջին անգամ սեպտեմբերի 15-ի առավոտյան է խոսել:

«Մի քանի տեղից վիրավոր է, ինչքա՞ն պիտի դիմանա: Մայրն այս օրերին այնքան է փոխվել, անճանաչելի է դարձել: Ոչ ոք ոչինչ չի ձեռնարկում: 44-օրյայում ոչ մի զոհ մեր գյուղից՝ Լուսագյուղից չենք ունեցել, չէինք պատկերացնում, թե կարող է նման բան լինել: Թող մի բան անեն, հանեն տղաներին: Մենակ Վահեն չի, էլի կան: Մենք կարող ենք ծայրահեղ քայլերի գնալ՝ փակել նաև Արմավիրի մարզի ճանապարհը »,-նշեց վիրավոր զինծառայողի համագյուղացին:

Վահեի տատը ևս ոչ մեկից որևէ արդարացում չի ուզում լսել. Պահանջում է արագ հանել թոռանը թշնամու հսկողության տակ անցած տարածքից:

«Ես իմ թոռանն եմ պահանջում, հանեք այնտեղից: 20 օր է՝ չենք կարողանում գտնել: 4-5 անգամ գնացել ենք հասել Կապան, բայց ոչ մի արդյունքի չենք հասել. Ոչ մի բան չեն անում: Ամսի 15-ին զանգել է, մորն ասել՝ մամ, հլա լսի... ու վերջ: Թոռանս ոնց ուզում եք հանեք»,-ասում է տատը:
Վիդեո
10 Հոկտեմբեր‎ 2022 - 13:49
39
Աղբյուր pastinfo.am

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև