Կարդացեք նաև
Աշտարակ-Գյումրի ավտոճանապարհին բեռնատարի ու մարդատարի բախման հետևանքով կան զոհեր և տուժածներ
Հոկտեմբերի 9-ին՝ ժամը 20:29-ին Արագածոտնի մարզային ճգնաժամային կառավարման կենտրոն ահազանգ է ստացվել, որ Ուջան-Շամիրամ ավտոճանապարհին տեղի է ունեցել ՃՏՊ, կան տուժածներ․ անհրաժեշտ է փրկարարների օգնությունը։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Աշտարակ-Գյումրի ավտոճանապարհի 17-րդ կմ-ին բախվել են «ЗИЛ» մակնիշի (վարորդ՝ Գ․ Գ․, ծնված 1957 թ․) բեռնատարը և «Porsche» մակնիշի (վարորդ՝ Վ․ Ու․, ծնված 1987 թ․) ավտոմեքենան․ վարորդները տեղում մահացել են։

Մինչ հրշեջ-փրկարարների կանչի վայր հասնելը «Porsche» մակնիշի ավտոմեքենայի ուղևորներ՝ Մ․ Ս․-ն (ծնված 1992 թ․) և Ս․ Բ․-ն (ծնված 1973 թ.) հոսպիտալացվել են Աշտարակ քաղաքի ԲԿ, որտեղ բժիշկները Մ․ Ս․-ի առողջական վիճակը գնահատել են բավարար, իսկ Ս․ Բ․-ն տեղափոխվել է Երևան «Էրեբունի» ԲԿ։

Փրկարարները հոսանքազրկել են ավտոմեքենաները, փակել գազի բալոնների փականները, սահմանազատել տարածքը, իրականացրել ճանապարհի լվացման աշխատանքներ և «ЗИЛ» մակնիշի բեռնատարի վարորդի դին մոտեցրել են շտապօգնության ավտոմեքենային։
10 Հոկտեմբեր‎ 2022 - 09:25
59
Աղբյուր armtimes.com

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև