ԱՄՆ-ում վարորդը մխրճվել է մարդկանց խմբի մեջ՝ իրեն բարկացնելու համար. կան զոհ և վիրավորներ. HuffPost
ԱՄՆ Կոլորադո նահանգում՝ տեղի բարերից մեկի մոտ վարորդը մխրճվել է մարդկանց ամբոխի մեջ: Միջադեպի հետևանքով մեկ մարդ մահացել է, առնվազն յոթը՝ վիրավորվել։ Այս մասին հայտնում է HuffPost-ը։
«Մեկ մարդ մահացել է, յոթը վիրավորվել են այն բանից հետո, երբ կիրակի առավոտյան պիկապը մխրճվել է մարդկանց խմբի մեջ... Իշխանությունները կասկածում են, որ վարորդի գործողությունները դիտավորյալ են եղել», - նշվում է հրապարակման մեջ:
Ոստիկանները ձերբակալել են 29-ամյա վարորդին երբ վերջինս փորձել է հեռանալ դեպքի վայրից։ Նրան սպառնում է հոդված՝ սպանության մեղադրանքով։ Միջադեպի հետեւանքով 1 հոգի տեղում մահացել է, չորսը տեղափոխվել են հիվանդանոց, եւս երեքը ստացել են թեթեւ վնասվածքներ։ Իշխանությունները կարծում են, որ վարորդն ու տուժածները դեպքից առաջ վիճել են, ինչն էլ դարձել է միջադեպի պատճառ։
