Կարդացեք նաև
Կան մարդիկ, որոնք ցանկանում են, առիթից օգտվելով, Արցախում իշխանության գալ, դա նաև դրսից է կառավարվում. Մետաքսե Հակոբյան
Երեկ Ստեփանակերտում տեղի ունեցած ինքաբուխ հանրահավաքը որևէ կազմակերպիչ չուներ, թեև «Հանուն Արցախի պաշտպանության» շարժման համակարգողները՝ մոտ 200-300 հոգի այնտեղ էին, բայց երբ անկարգությունները սկսվեցին իրենք ետ քաշվեցին: Այս մասին «Փաստինֆո»-ի հետ զրույցում ասաց Արցախի ԱԺ պատգամավոր Մետաքսե Հակոբյանը:

«Այնտեղ արդեն անհատների ամբիցիաներ էին, որոնք անիմաստ քայլերի էին տանում: Իհարկե, հանրահավաքներ կլինեն, բայց ոչ այդ ձևաչափով, որովհետև այնտեղ մարդիկ կան, որոնք հատուկ ծրագրեր են կատարում»,- նշեց նա՝ հավելելով, որ «Հանուն Արցախի պաշտպանության » շարժումը մոտակա օրերին մեծ թափով կմեկնարկի:

Դիտարկմանը՝ դիտավորությամբ էին հրահրում՝ բախման տանելու համար, մեր զրուցակիցը նշեց, որ կան մարդիկ, որոնք ցանկանում են առիթից օգտվելով իշխանության գալ, թեև այս իրավիճակում անհասկանալի է այդ ձգտումը, հետևաբար, դա նաև դրսից է կառավարվում և երբ «Հանուն Արցախի պաշտպանության» շարժման մասնակիցները ետ են քաշվել, բնական է, որ հավաքը մարելու էր:

Հիշեցնենք, որ երեկ Ստեփանակերտում հանրահավաք է իրականացվել: Քաղաքացիները բարձրաձայնում էին իրենց ընդվզումը՝ արձանագրելով, որ Արցախը չի կարող լինել Ադրբեջանի կազմում: Ակցիայի մասնակիցները հանդիպում են պահանջել Արցախի նախագահ Արայիկ Հարությունյանի հետ, որը, սակայն քաղաքացիների հետ այդպես էլ չի հանդիպել: Քաղաքացիների մոտ իջել է ԱԺ նախագահ Արթուր Թովմասյանը ՝ նշելով, որ Հարությունյանը տեղում չէ, սակայն քաղաքացիները շարունակել են պնդել, որ պետք է հանդիպեն Հարությունյանի հետ:

Աղբյուր` Փաստինֆո
09 Հոկտեմբեր‎ 2022 - 17:32
35
Աղբյուր pastinfo.am

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև