Կարդացեք նաև
Սպանություն Երևանում․ Նուբարաշենի շենքերից մեկում հայտնաբերվել է դանակի մի քանի հարվածով սպանված 41-ամյա կնոջ դի
Այսօր՝ հոկտեմբերի 6-ին, սպանություն է տեղի ունեցել Երևանում։ Ժամը 07։10-ի սահմաններում ոստիկանության Նուբարաշենի բաժանմունքից ահազանգ է ստացվել Արտակարգ իրավիճակների նախարարության Փրկարար ծառայության 911 ճգնաժամային կառավարման կենտրոն, որ Նուբարաշեն վարչական շրջանի 6-րդ փողոցի շենքերից մեկի բնակիչը տևական ժամանակ է չի արձագանքում դռան և հեռախոսազանգերին։

Shamshyan.com-ի փոխանցմամբ՝ իրավապահները, բացելով տան դուռը, հյուրասենյակում հայտնաբերել են կնոջ դի արնաշաղախ վիճակում։

Դեպքի վայր են ժամանել ոստիկանության և քննչական բաժնի խմբերը։

Տեղում ստեղծվել է քննչական խումբ, որտեղ էլ դեպքի փաստով նախաձեռնվել է քրեական վարույթ։

Ոստիկաններն ու քննիչները պարզել են, որ սպանվածը նշված հասցեի բնակիչ 41-ամյա Աստղիկ Մ․-ն էր։

Բժշկի նախնական եզրակացության համաձայն՝ մարմնի վրա կա դանակի մի քանի հարվածի հետքեր։

Կայքի տեղեկություններով՝ ոստիկաններն ու քննիչներն արդեն պարզել են ենթադրյալ սպանություն կատարողի ինքնությունը և ձեռնարկում են անհրաժեշտ օպերատիվ-հետախուզական և քննչական համատեղ գործողություններ նրան և հանցագործություն գործիք դանակը հայտնաբերելու ոււղությամբ։ 
06 Հոկտեմբեր‎ 2022 - 10:30
45
Աղբյուր armtimes.com

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև