Լրահոս
03.02.2023-10:45
03 Փետրվար 2023 - 10:45
«Հրապարակ». Մահվան թվերով առաջատար ենք
03.02.2023-09:25
03 Փետրվար 2023 - 09:25
Աստղագուշակ՝ փետրվարի 3֊ի համար
02.02.2023-11:20
02 Փետրվար 2023 - 11:20
Աստղագուշակ՝ փետրվարի 2֊ի համար
Կարդացեք նաև
Ովքե՞ր տարկետում կստանան․ ԱԺ-ն ընդունեց նախագիծը
ՀՀ խորհրդարանն այսօր երկրորդ ընթերցմամբ ու ամբողջությամբ ընդունեց «Զինվորական ծառայության և զինծառայողի կարգավիճակի մասին» օրենքում ու կից օրենքներում փոփոխությունների նախագիծը։

Դրանով կառավարությունն առաջարկում է բնագիտական, տեխնոլոգիական, ճարտարագիտական և մաթեմատիկական բնագավառն ընտրած դիմորդներին տարկետման իրավունք տրամադրել։ Իսկ նման մասնագետների ցանկը օրենքի ուժի մեջ մտնելուց հետո ենթաօրենսդրական ակտերով կսահմանի հենց կառավարությունը` ըստ տվյալ պահին առկա գերակայության ու անհրաժեշտության։

Ընդ որում, տարկետման իրավունք կստանան ինչպես բակալավրիատի, այնպես էլ մագիստրատուրայի ու ասպիրանտուրայի ուսանողները։

Մեկ այլ փոփոխությամբ, օրենքով զորակոչային տարիքն ավելացվում է 1 տարով` գործող 18-27 տարեկանի փոխարեն սահմանելով 18-28 տարեկանը։

Ինչպես նախօրեին ԱԺ–ի նիստում նախագծի քննարկման ժամանակ ասաց ԿԳՄՍ նախարար Վահրամ Դումանյանը, նման փոփոխության անհրաժեշտությունն առաջացել է այն պատճառով, որ հաճախ ուսման մեջ հաջողությունների հիմքով տարկետում ստացած սովորողները, ասպիրանտուրան չավարտած՝ մինչև 27 տարեկանը լրանալը, զորակոչվում են բանակ։

«Հանրակրթության տևողությունը դարձել է 12 տարի, իսկ 27 տարին որոշվել է այն ժամանակ, երբ հանրակրթությունը դեռ 10 տարի տևողություն ուներ։ Սա բերում է արհեստական լուծումների. ասպիրանտուրայի երկրորդ տարում փորձում էին ամեն կերպ ավարտել, պաշտպանել դիսերտացիան, որպեսզի համարվի, որ այդ ցիկլը փակվել է»,– ասաց Դումանյանը։

«Զինվորական ծառայության և զինծառայողի կարգավիճակի մասին» օրենքում ու կից օրենքներում փոփոխությունների նախագիծը ՀՀ կառավարությունն ընդունել էր ս.թ. հուլիսին ու այն ուղարկել ԱԺ–ի քննարկմանը։ Օրինագծերի փաթեթը խորհրդարանը նախորդ շաբաթ ընդունել էր առաջին ընթերցմամբ։
05 Հոկտեմբեր‎ 2022 - 12:05
37
Աղբյուր auroranews.am

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև