Թուրքական մամուլում տեղ գտած տեղեկությունների համաձայն, այդ երկրի Ռազմական արդյունաբերության վարչության ղեկավար Իսմայիլ Դեմիրը ուղիղ եթերի ժամանակ կարեւոր հայտարարություններ է արել` կապված թուրքական ռազմական արդյունաբերության զարգացման հեռանկարների հետ։
Նա մասնավորապես ասել է, որ Անկարան ունի այլընտրանքներ ամերիկյան F-16 կործանիչների համար եւ հավելել, որ Անկարան պետք է իր սեփական կործանիչների՝ HÜRJET –ի, MMU-ի եւ KIZILELMA-ի հետ կապված նախագծերը առաջ մղի՝ դրանք հագեցնելով լավագույն հնարավորություններով։ Նա նաեւ ասել է, որ քննարկվում է նաեւ ռուսական Су-35 կործանիչներ ձեռք բերելու հարցը։
