Սեպտեմբերի 27-ին հայտնաբերվել է ադրբեջանական լայնածավալ ռազմական ագրեսիայի ժամանակ, սեպտեմբերի 14-ից անհայտ կորած համարվող շարքային Սամվել Գրիգորիի Անթանյանը:

Այս մասին հայտնում են ՊՆ տեղեկատվության և հասարակյնության հետ կապերի վարչությունից՝ նշելով, որ զինծառայողի առողջական վիճակը բավարար է:

Նշենք, որ ադրբեջանական վերջին ագրեսիայի հետևանքով մոտ 40 անհետ կորած զինծառայողների, այդ թվում՝ Սամվել Անթանյանի հարազատները երեկ ՊՆ-ի դիմաց հավաքվել և պահանջել են տեղեկություններ հայտնել իրենց զինծառայողների գտնվելու վայրի մասին: Նրա հորեղբայրը պատմել էր, որ սեպտեմբերի 13-ից ծնողները Ներքին հանդում ծառայող Սամվել Անթանյանից ոչ մի լուր չունեն։

Հորեղբոր խոսքով՝ նա երկու ամսվա զինծառայող էր և մարտական դիրքեր է գնացել սեպտեմբերի 12-ի գիշերը՝ շինարարական աշխատանք կատարելու նպատակով, այնուհետ կապը նրա և մի շարք այլ զինծառայողների հետ կորել է: