Ռուսաստանում զինկոմիսարիատների և վարչական շենքերի հրկիզումների նոր ալիք է սկսվել: Սա այն բանից հետո, երբ Ռուսաստանի նախագահ Վլադիմիր Պուտինը սեպտեմբերի 21-ին հայտարարեց «մասնակի մոբիլիզացիայի» մասին։

Կիրակի գիշերը և առավոտյան ՌԴ տարբեր քաղաքներում հրկիզման չորս դեպք է գրանցվել․ հայտնում է BBC–ն։

Գիշերը անհայտ անձինք դյուրավառ նյութով շիշ են նետել Չեռնյախովսկ քաղաքի զինկոմիսարիատի շենքի վրա։ Եվս երկու միջադեպ է տեղի ունեցել սեպտեմբերի 25-ի գիշերը Մորդովիայում, որտեղ փորձել են հրկիզել զինկոմիսարիատի շենքը և Լենինգրադի մարզում՝ Լոմոնոսովի շրջանում, որտեղ հարձակում է եղել գյուղապետարանի շենքի վրա․ այնտեղ է տեղակայված նաև զինկոմիսարիատի շենքը: Բացի այդ, կիրակի առավոտյան Վոլգոգրադի մարզի Բերեսլավկա Ավանում այրվել է շենքը, որտեղ տեղակայված էին տեղի վարչակազմը և ռազմական հաշվառման սեղանը: Տեղացիներից շատերը վստահ են, որ դա հրկիզում է, և որ տեղի ունեցած միջադեպերը կապված են զորահավաքի հետ ։