Դեպրեսիան վաղ փուլերում ունի մի շարք բնորոշ հատկանիշներ, որոնցից են անհիմն ապատիան և ախորժակի կորուստը, ասել է կլինիկական հոգեբան Իրկյամ Ախմերովան: Նա թվարկել է հոգեկան հիվանդության այս և այլ տագնապալի ախտանիշները RT-ին տված հարցազրույցում:
Մասնագետի խոսքով՝ վաղ փուլերում դեպրեսիան ուղեկցվում է վարքի մի շարք փոփոխություններով։ Դա կարող է լինել անհիմն աճող անհանգստությունը, որը չի անհետանում մի քանի շաբաթվա ընթացքում, ախորժակի կորուստը, երկարատև հուսահատությունը:
Ախմերովան հավելել է, որ դեպրեսիայի պատճառով կարող է խանգարվել նաև քունը: Մարդկանց հետ շփումը դժվարանում է, այլևս չեն գոհացնում այն բաները, որոնք նախկինում հաճույք էին պատճառում… Այս բոլոր ախտանշանները մասնագետի օգնությանը դիմելու պատճառ են։
Եզրափակելով՝ հոգեբանը հիշել է հոգեկան հիվանդությունների կանխարգելման պարզ կանոնները: Նրա կարծիքով, դեպրեսիայի վտանգը նվազեցնելու համար պետք է ֆիզիկապես ակտիվ լինել, քնել օրական առնվազն յոթից ութ ժամ, կազմել բազմազան սննդակարգ, որում պարտադիր առկա են բանջարեղեն և մրգեր:
Պատրաստեց Անի Գաբուզյանը
