Կարդացեք նաև
Թեհրանը պատրաստ է խորհրդակցել Երևանի և Բաքվի հետ. Աբդոլլահիանը հանդիպել է Բայրամովին
Իրանցի նախարարը կրկին ընդգծել է Թեհրանի դիրքորոշումը տարածաշրջանում սահմանների վերաբերյալ:
ԵՐԵՎԱՆ, 24 սեպտեմբերի - Sputnik. Թեհրանը պատրաստ է խորհրդակցություններ անցկացնել Երևանի և Բաքվի հետ` խնդիրների և տարաձայնությունների խաղաղ կարգավորմանն աջակցելու համար: Այս մասին Իրանի արտգործնախարար Հոսեյն Ամիր Աբդոլլահիանը հայտարարել է իր ադրբեջանցի գործընկեր Ջեյհուն Բայրամովի հետ Նյու Յորքում ՄԱԿ-ի Գլխավոր ասամբլեայի շրջանակում կայացած հանդիպման ժամանակ։

Ինչպես տեղեկացնում է Իրանի արտաքին քաղաքական գերատեսչության կայքը, իրանցի նախարարը, մատնանշելով Հարավային Կովկասում փոփոխությունների և տեղաշարժերի մասին հաշվետվություններն ու վկայությունները, ընդգծել է Թեհրանի հստակ դիրքորոշումը տարածաշրջանում ցանկացած աշխարհաքաղաքական փոփոխությունների և սահմանների անընդունելիության մասին:

Բայրամովն իր հերթին հայտարարել է, որ Ադրբեջանը շահագրգռված է տարածաշրջանային համագործակցության շրջանակներում Հայաստանի հետ խնդիրների շուտափույթ լուծման հարցում:
Իրանը Հայաստանի և Ադրբեջանի սահմանների փոփոխություն թույլ չի տա. Բաղերի
Հանդիպման մասնակիցները քննարկել են նաև երկկողմ համագործակցությանն առնչվող հարցեր:

Նշենք, որ Իրանը բազմիցս հայտարարել է տարածաշրջանում սահմանների փոփոխության անթույլատրելիության և Հայաստան-Իրան ճանապարհի պահպանման անհրաժեշտության մասին:
Հայաստանի հետ Իրանի կապը չպետք է վտանգվի. Ռայիսին` Փաշինյանին
24 Սեպտեմբեր‎ 2022 - 15:36
86
Աղբյուր armeniasputnik.am

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև