Կարդացեք նաև
ՏԵՍԱՆՅՈՒԹ․ 65 կիլոմետրանոց խցանում՝ Լարսի անցակետում․ մեծ թվով հայեր կան․ ահազանգ
Քիչ առաջ Auroranews-ը ահազանգ է ստացել Լարսում գտնվող մեր հայրենակիցներից։ Մասնավորապես՝ Հյուսիսային Օսեթիայի անցակետի տարածքից մեզ են զանգել մի խումբ հայեր և նշում են, որ արդեն մի օր է չեն կարողանում հատել սահմանը և վերադառնալ Հայաստան։ 

«Հայկական համարանիշներով մոտ 400 մեքենա է կանգնած սահմանին։ Կանգնեցրել են ու ոչինչ չեն ասում։ Մեզ մոտ եղած սնունդն էլ արդեն վերջացել է, տարածքում մի քանի փոքր խանութներ կան, որտեղ եղած ուտելիքները սպառվեցին արդեն»,- նշեց մեզ ահազանգած քաղաքացիներից մեկը։ 

Ճշտող հարցին՝ միայն հայկական համարանիշներով մեքենաները չեն կարողանում առաջ գնալ, թե մյուսներն էլ, նշեց․ «Ուրիշ երկրների համարանիշերով մեքենաներ կան, ուղղակի հայերինը ավելի մեծ թիվ է կազմում։ Որպեսզի լավ պատկերացնեք՝ այս պահին 65 կիլոմետրանոց հերթի մեջ կանգնած ենք»։ 

Ըստ Auroranews-ի ձեռքի տակ եղած տվյալների համաձայն՝ սահմանային անցակետը փակ չէ, պարզապես ռուսական կողմը խիստ ստուգումներ է իրականացնում, քանի որ մասնակի մոբիլիզացիայ մասին հայտարարելուց հետոհետո շատերը փորձում են լքել ՌԴ տարածքը։ 
Վիդեո
23 Սեպտեմբեր‎ 2022 - 11:04
89
Աղբյուր auroranews.am

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև