Կարդացեք նաև
Աշխարհը միջուկային պատերազմի շեմին.
Սատանայի ծառաների` ջհուդամասոնների հիմնած պետության` ԱՄՆ-ի (Իրանի հոգևոր առաջնորդի բնորոշմամբ` «Մեծ Շեյթանի»), այսպես ասած, ձեռագիրը նույնն է, ինչ Սատանայինը:

ԱՄՆ նախագահ Ջո Բայդենը կեղծիքի, հերյուրանքի, զրպարտության, ՌԴ Նախագահ Վլադիմիր Պուտինի խոսքերը նենգափոխելու միջոցով փորձում է համաշխարհային հանրության աչքում դիվականացնել նրա և Ռուսաստանի կերպարը: Օրերս նա հայտարարել է, որ ԱՄՆ-ը մեծ ջանքեր է գործադրում դաշնակից երկրների հետ՝ Ռուսաստանին թույլ չտալու հարձակումները ՆԱՏՕ-ի անդամների վրա։

Դե, իհարկե միայն տխմարները և հակառուսականության թույնով ախտահարված ուղեղով անձինք կարող են հավատալ, թե ոչ միայն Ուկրաինայի զինված ուժերին, նեոնացիստական խմբավորումներին ու բազմահազար վարձկաններին, այլև Ուկրաինայի միջոցով իր դեմ պատերազմող ԱՄՆ-ին, ՆԱՏՕ-ին, ողջ Արևմուտքին որոշ դժվարություններով դիմակայող Ռուսաստանը մտածում ու ձգտում է հարձակվել ՆԱՏՕ-ի անդամ պետությունների վրա:

Բայդենը ՄԱԿ-ի Գլխավոր ասամբլեայի 77-րդ նստաշրջանի ամբիոնից Պուտինին վերագրել է նրա կողմից չասված խոսքեր, թե Ռուսաստանը սպառնում է աշխարհին միջուկային զենքով: ԱՄՆ նախագահն իր ելույթում պնդել է, թե Մոսկվան հանդես է եկել Եվրոպայի դեմ միջուկային զենքի կիրառման բացահայտ սպառնալիքներով և այդ զենքի չտարածման պարտավորությունների անխոհեմ անտեսմամբ:

ՌԴ արտգործնախարարության պաշտոնական ներկայացուցիչ Մարիա Զախարովան «անպարկեշտ» է անվանել  ՄԱԿ-ի Գլխավոր ասամբլեայում Բայդենի ելույթը միջուկային սպառնալիքի մասին Պուտինի խոսքի կեղծ մեջբերումներով:

Այո, Ռուսաստանը Եվրոպայի դեմ միջուկային զենք կիրառելու կամ, թեկուզ, ՆԱՏՕ-ի անդամ պետությունների վրա սովորական սպառազինությասմբ հարձակվելու մտադրություն չունի, սակայն միանգամայն հնարավոր է, որ առաջիկայում Ուկրաինայի տարածքում խոցի այնտեղ զենք- զինամթերք, ռազմական տեխնիկա տեղափոխող ՆԱՏՕ-ի անդամ, մասնավորապես, եվրոպական պետությունների, օրինակ, Լեհաստանի տրանսպորտային միջոցները` ռազմափոխադրական ինքնաթիռներ, երկաթուղային շարժակազմեր, բեռնատարներ, որպեսզի ՆԱՏՕ-ի անդամ պետություններն իրենց հաշիվ տան և այլևս չհամարձակվեն այնտեղ Ռուսաստանի դեմ մահաբեր զենքեր ուղարկել:

Ռուսաստանի արտգործնախարար Սերգեյ Լավրովը և ՌԴ ռազմաքաղաքական ղեկավարության այլ բարձրաստիճան ներկայացուցիչներ նախկինում քանիցս զգուշացրել են, որ ցանկացած բեռ, որը զենք է պարունակում Ուկրաինայի համար, այնտեղ զենք տեղափոխոց ցանկացած տրանսպորտային միջոց օրինական թիրախ կդառնա Ռուսաստանի համար, սակայն ՌԴ ԶՈւ-ն, զգուշանալով Արևմուտքի հետ անմիջական ռազմական բախումից, ավելի ճիշտ, լայնամասշտաբ պատերազմից, որը շատ արագ կարող է վերածվել միջուկային զենքի կիրառմամբ Երրորդ ու վերջին համաշխարհային պատերազմի, չի համարձակվել գնալ այդ քայլին:

Բայց այժմ այլ իրավիճակ է առաջացել, ու խնդիրը բնավ այն չէ, որ սպառվում է իր զգուշացումներն անտեսող Արևմուտքի հանդեպ Ռուսաստանի համբերությունը: Խնդիրն այն է, որ Ուկրաինային անվերջ, ընդ որում, գնալով ավելի հեռահար ու կործանարար զենք- զինամթերք, ռազմական տեխնիկա մատակարարելու և ՌԴ-ի դեմ մինչև վերջին ուկրաինացին կռվելու Արևմուտքի ներկայիս քաղաքականության պայմաններում մի օր կարող են սպառվել սովորական սպառազինության գծով Ռուսաստանի հնարավորությունները:

ԱՄՆ-ի, նրա գլխավորած հավաքական Արևմուտքի ռազմաքաղաքական ղեկավարները ՌԴ-ի դեմ վարում են ռեսուրսների, այսինքն` Ռուսաստանի ռազմատեխնիկական, նյութական, տնտեսական, ֆինանսական, մարդկային կարողությունները մաշելու, սպառելու ու նրան պարտության մատնելու պատերազմ, ինչի մասին քանիցս հրապարակայնորեն հայտարարել են:

Վերոնշյալ իրողությունը չեն թաքցրել և այդ մասին հայտարարել մեն նաև ՌԴ ռազմաքաղաքական ղեկավարները: Ավելին. հատուկ ռազմական գործողության սկզբում ՌԴ նախագահը նույնիսկ հայտարարեց, որ ՆԱՏՕ-ի, Արևմուտքի կարողությունները, իհարկե, համեմատելի չեն, այսինքն` սովորական սպառազինության, բանակի ընդհանուր թվակազմի, տնտեսական, ֆինանսական առումներով Արևմուտքը գերազանցում է Ռուսաստանին, սակայն հիշեցրեց, որ ՌԴ-ն միջուկային տերություն է, իսկ որոշակի սպառազինությունների գծով աշխարհում բացառիկ (նկատի ուներ «Կինժալը», «Ցիրկոնը», «Պոսեյդոնը», «Սամարտը», «Ավանգարդը», «Պոսեյդոնը»…):

Կասկածից դուրս է, որ ՌԴ վերը նշված հնարավոր ու պաշտպանական բնույթ ունեցող հարկադիր քայլը` Ուկրաինայի տարածքում այնտեղ զենք- զինամթերք, ռազմական տեխնիկա տեղափոխող ՆԱՏՕ-ի անդամ այս կամ այն պետության տրանսպորտային միջոցի ոչնչացումը ԱՄՆ-ի և ՆԱՏՕ-ի կողմից գնահատվելու է իբրև կազմակերպության անդամ պետությունների և ՆԱՏՕ-ի վրա սովորական սպառազինությասմբ հարձակում (թեև իրականում դա այդպես չէ, առնվազն վիճելի կլինի այդ գնահատականը):

Կասկածից դուրս է նաև, որ վերոնշյալ գնահատականին անմիջապես հետևելու է ՌԴ-ի դեմ ՆԱՏՕ-ի, նրա անդամ պետությունների զինված ուժերի, բանակների անմիջական ու լայնամասշտաբ ընդգրկումն Ուկրաինայում և մի քանի օրից արդեն, հավանաբար, նաև Ռուսաստանում (նկատի ունենք Դոնբասի հանրապետությունները, Զապորոժիեի և Խերսոնի մարզերը, որոնք սեպտեմբերի 23- 27-ի հանրաքվեների արդյունքներով, ամենայն հավանականությամբ, կմիանան ՌԴ-ին) ծավալվող ռազմական հակամարտության մեջ: Բացառված չեն նաև ՆԱՏՕ-ի հարվածները մինչ հանրաքվեն եղած ՌԴ տարածքներին, օրինակ, Ղրիմին. Բելգորոդի, Կուրսկի և այլ մարզերին: Սովորական սպառազինությամբ ԱՄՆ-ի, ՆԱՏՕ-ի պատերազմը Ռուսաստանի դեմ վերջինիս համար կլինի աղետալի ու նրան կհարկադրի պետության գոյությանը սպառնացող վտանգի պայմաններում կիրառել միջուկային զենքը որպես սթափեցնող ապտակ:

Կարծում ենք, հենց վերոնշյալ վտանգը նկատի ունենալով, ՌԴ Անվտանգության խորհրդի փոխնախագահ Դմիտրի Մեդվեդևն այսօր իր տելեգրամյան ալիքում կատարած գրառմամբ  նշելով բոլոր այն տարածքների պաշտպանության մասին, որոնք կմիանան Ռուսաստանին, Արևմուտքին զգուշացրել է.

«Ռուսաստանը հայտարարեց, որ նման պաշտպանության համար կարող են օգտագործվել ոչ միայն մոբիլիզացիոն հնարավորությունները, այլ նաև ցանկացած ռուսական զենք, ներառյալ ռազմավարական միջուկային զենքը և նոր սկզբունքների վրա հիմնված զենքերը։

Հետևաբար գեներալական շքերիզներով պահեստի զանազան ապուշները պետք չէ մեզ վախեցնեն Ղրիմին ՆԱՏՕ-ի հարվածի մասին խոսակցություններով։ Հիպերձայնը երաշխավորված կարող է հասնել թիրախներին Եվրոպայում և Միացյալ Նահանգներում շատ ավելի արագ»:

Ինչպես տեղեկացրել է «Коммерсантъ»-ը «Երեկ՝ սեպտեմբերի 21-ին, Եվրոպայում ԱՄՆ բանակի նախկին հրամանատար Բեն Խոջեսը հայտարարել է, որ այն դեպքում, եթե Ռուսաստանը միջուկային զենք օգտագործի Ուկրաինայի հակամարտության ընթացքում, ԱՄՆ-ը կարող է հարվածներ հասցնել Ռուսաստանի Սևծովյան նավատորմին»։

Թե միջուկային ջինը շշից բաց թողնելուց հետո ինչ կարող է կատարվել հետո, դժվար է կանխատեսել, ավելի ճիշտ, այս դեպքում երկու վերջաբան կարող է լինել` կամ Արևմուտքում կսթափվեն ու պատերազմը կդադարի, կամ Երկիր մոլորակը կմոխրանա:
22 Սեպտեմբեր‎ 2022 - 23:50
40
Աղբյուր livenews.am

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև