Կարդացեք նաև
Samsung սմարթֆոնները կունենան արբանյակային հաղորդակցություն
Samsung-ը 2023 թվականին կներկայացնի իր սարքերի արբանյակային կապը։ Այս մասին գրում է Shantnews-ը։

Լրագրողները վկայակոչել են ինսայդերների զեկույցը, ըստ որի կորեական ընկերությունը 2023 թվականին սկսելու է սմարթֆոնների վրա արբանյակային կապի աջակցությունը։ Ըստ երևույթին, այս տեխնոլոգիան կաջակցեն առաջատար Galaxy S23 սերիայի սարքերը, որոնց թողարկումը նախատեսված է 2023 թվականի սկզբին։

Մասնագետը չկարողացավ ճշգրիտ պատասխանել՝ Samsung-ը կմշակի իր սեփական ստանդարտը, թե կօգտագործի Google-ի տեխնոլոգիաները։ Ավելի վաղ ամերիկյան կորպորացիան հայտնել էր, որ արբանյակային շտապ կապի աջակցությունը կհայտնվի Android 14-ի վրա հիմնված հեռախոսներում 2023 թվականին։ Դժվար է նաև ասել, թե արդյոք արբանյակային կապը կաշխատի նախորդ սերնդի Samsung սարքերի վրա:

«Միգուցե ընկերությունը չի ցանկանում շատ հետ մնալ Huawei-ից և Apple-ից և կփորձի Google-ից առաջ մշակել սեփական ապարատային և ծրագրային լուծումը»,- ամփոփել են լրագրողները։

Ավելի վաղ հայտնի էր դարձել, որ Apple-ը նախատեսում է ընդլայնել այն երկրների թիվը, որտեղ կաշխատի iPhone 14-ի արբանյակային կապի գործառույթը,որի  գործարկումը սպասվում է նոյեմբերին, առաջին փուլում ԱՄՆ-ի և Կանադայի բնակիչները կկարողանան այն  օգտագործել անվճար:
22 Սեպտեմբեր‎ 2022 - 23:14
100
Աղբյուր mediahub.am

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև