Արթիկի ավտոտնակներից մեկում հայտնաբերված դիերի փաստով հարուցվել է քրեական վարույթ․ նախնական վարկածը հայտնի է
Արթիկում 26-ամյա երիտասարդի և 18-ամյա աղջկա մահվան փաստով քրեական վարույթ է հարուցվել։ Նշանակվել է համալիր փորձաքննություն։
Այս մասին «Հայկական ժամանակ»-ին տեղեկացրեցին դատախազությունից։
Քրեական վարույթը հարուցվել է 155-րդ հոդվածի առաջին մասով (Սպանություն)։
Մեր տեղեկություններով՝ որպես նախնական վարկած քննարկվում է գազի արտահոսքը։ Ավտոտնակը, որում հայտնաբերվել են դիերը, պատկանել է մահացած տղային։
Հիշեցնենք, երեկ՝ փետրվարի 24-ին, ժամը 18:00-ի սահմաններում Արթիկի Շինարարների փողոցում գտնվող ավտոտնակում կայանված «Մերսեդես» մակնիշի ավտոմեքենայի հետևի նստատեղին հայտնաբերվել էր տղամարդու դի, իսկ ավտոմեքենայի կողքին՝ գետնին, աղջկա դի: