Ադրբեջանում 3,6 մագնիտուդ ուժգնությամբ երկրաշարժ է տեղի ունեցել: 

Հանրապետական ​​սեյսմոլոգիական ծառայության կենտրոնի տվյալներով՝ ցնցումներ են գրանցվել ժամը 06:25-ին, Իմիշլիի շրջանում` Սաաթլի կայարանից 20 կմ հյուսիս-արևմուտք:

Օջախը գտնվել է 52 կմ խորության վրա, երկրաշարժի ուժգնությունը կազմել է 3,6 մագնիտուդ։

ԶԼՄ-ների հաղորդմամբ՝ երկրաշարժ է գրանցվել նաև Իրանում։ Եվրոպա-միջերկրածովյան սեյսմիկ կենտրոնի տվյալներով՝ 5,1 մագնիտուդով երկրաշարժի էպիկենտրոնը գտնվել է Բենդեր Աբաս քաղաքից 117 կիլոմետր հյուսիս-արեւմուտք։ Օջախը գտնվել է 10 կիլոմետր խորության վրա։

Ավերածությունների և տուժածների մասին տեղեկություններ չեն հաղորդվում։