7,8 մագնիտուդ հզորությամբ երկրաշարժ է տեղի ունեցել Թուրքիայում։ Ըստ նախնական տվյալների՝ երկրաշարժը գրանվվել է գրինվիչի ճամանակով ժ. 01:17-ին։ Էպիկենտրոնը եղել է Գազիանթեփի քաղաքից 27 կմ հեռավորության վրա, 10 կիլոմետր խորությամբ, մոտ մեկ միլիոն բնակչություն ունեցող տարածքում, հայտնում է ՏԱՍՍ-ը։

Գրանցվել է նաև երկու հետցնցում՝ 6,4 և 6,7 մագնիտուդ հզորությամբ։ Առնվազն 12 մարդ է զոհվել երկրաշարժի հետևանքով, փլուզվել է 16 շենք։ Թուրքիայի նախագահ Ռեջեփ Թայիփ Էրդողանը հայտնել է, որ ներքին գործերի նախարարությունը, առողջապահության նախարարությունը, փրկարարները և այլ գերատեսչություններ սկսել են վերացնել երկրաշարժի հետևանքները։ Ադանա քաղաքում երկրաշարժի հետեւանքով 17 հարկանի շենք է փլուզվել, հայտնել է քաղաքապետը։Օսմանիյե նահանգի նահանգապետը հայտնել է 5 մարդու մահվան և 34 շենքի փլուզման մասին։ Մալաթիայի նահանգապետի խոսքով`  երկրաշարժի հետևանքով փլուզվել է 130 շենք, փլատակների տակից դուրս է բերվել 3 մարդու դի, 100-ից ավելի տուժած կա։