Կարդացեք նաև
Նույնականացման քարտով հնարավորություն կտրվի երկրից մեկնել
Կառավարության այսօրվա նիստի օրակարգային հարցերից մեկը վերաբերում է «Հայաստանի Հանրապետության և Վրաստանի միջև երկու պետությունների քաղաքացիների համար փոխադարձ առանց մուտքի արտոնագրի ճամփորդելու մասին» համաձայնագրի ստորագրման առաջարկությանը հավանություն տալուն։

Ըստ նախագծի՝ Հայաստանի և Վրաստանի քաղաքացիները ձեռք կբերեն միմյանց պետությունների տարածքներ նույնականացման քարտերով այցելելու իրավունք։

Նշենք, որ վերջին տարիներին Հայաստանից Վրաստան այցելությունների թիվը հետևողականորեն աճել է։ Մասնավորապես, համաձայն Վրաստանի տուրիզմի ազգային գործակալության տվյալների՝ 2011 թվականին Հայաստանից Վրաստան այցելությունների թիվը կազմել է շուրջ 562 հազար այցելու, իսկ արդեն 2019 թվականին՝ 1 միլիոն 365 հազար այցելու։ 2020 թվականին, COVID-19 համավարակով պայմանավորված, Հայաստանից Վրաստան այցելությունների թիվը զգալիորեն նվազել է (շուրջ 260 հազար այցելու)։

Համաձայնագիրն առնչվում է նաև Վրաստանում բնակվող մեծաթիվ հայ բնակչության դեպի Հայաստան և հակառակ ուղղությամբ տեղաշարժի հարցին։ Նշենք, որ համաձայն Վրաստանում անցկացված վերջին մարդահամարի տվյալների (2014թ.)՝ Վրաստանում բնակվող հայերի թիվը կազմում է շուրջ 168 հազար մարդ, որից մոտ 53 հազարը՝ Թբիլիսիում, 81 հազարը՝ Սամցխե-Ջավախեթիի շրջանում, 21 հազարը՝ Քվեմո Քարթլիի շրջանում, 5 հազարը՝ Աջարիայում։

Նարե Գնունի
12 Հունվար‎ 2023 - 10:33
72
Աղբյուր mediahub.am

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև