Փերիս Հիլթոնն ամեն ինչ անում է, և նույնիսկ ընտանի կենդանիների հետախույզ է վարձել իր կորած շանը գտնելու համար: Այս մասին հայտնում է People-ը։
Ամերիկացի դերասանուհին և մոդելը բլոգի իր հետևորդներին պատմել է, որ իր սիրելի շունը՝ Դայմոնդ Բեյբին անհետացել է մի քանի օր առաջ։
«Իմ սիրտը կոտրված է: Դայմոնդ Բեյբիին վերջին անգամ տեսել են սեպտեմբերի 14-ին: Հիմա տեղափոխվում ենք, հավանաբար իրեր տեղափոխողներից մեկը դուռը բաց է թողել, իսկ շունը դուրս է վազել տանից։ Ընտանիքս և ընկերներս օգնեցին ինձ փնտրել նրան ամբողջ տարածքում, բայց մենք նրան այդպես էլ չգտանք»,- ասել է աստղը:
Նա նույնիսկ ընտանի կենդանիների հետախույզ է վարձել և ամեն օր դիտում է դրոնների տեսանյութեր, ասում է Հիլթոնը:
«Ես անում եմ ինձնից կախված ամեն ինչ նրան վերադարձնելու համար: Կարծես իմ մի մասիկն է պակասում: Դայմոնդ Բեյբին ինձ համար դստեր պես էր, քանի որ մենք անբաժան էինք, նա իմ լավագույն ընկերն էր և միշտ իմ կողքին էր»,- հավելել է նա։
Փերիս Հիլթոնը խնդրել է բաժանորդներին օգնել գտնել շանը և խոստացել է պարգևատրում նրան, ով տուն կբերիԴայմոնդ Բեյբիին:
«Խնդրում եմ, խնդրում եմ, գրեք, եթե ինչ-որ բան իմանաք, և խնդրում եմ, խնամեք իմ երեխային», - նշել է նա:
