Սանկտ Պետերբուրգում ընթանում է ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի հանդիպումը:
Մինչ պաշտոնական հաղորդագրությունները կտարածվեն, ՌԻԱ Նովոստին մեջբերել է Պուտինի խոսքերը Փաշինյանի հետ հանդիպման մեկնարկից, որն ուշագրավ մանրամասներ է պարունակում:
"Տնտեսական համագործակցությունը զարգանում է դրական, բայց կարևոր հարցն այսօր Ղարաբաղում իրավիճակի կարգավորումն է: Նախօրեին մենք սկսեցինք (քննարկել– խմբ. ), նաև հաջողվեց երեքով զրուցել: Իհարկե, կարևոր խնդիրը Հարավային Կովկասում իրավիճակի կարգավորումն է և հայ-ադրբեջանական հարաբերությունները, և ամենը, ինչ կապված է Ղարաբաղի հետ", — մասնավորապես ասել է Պուտինը:
Այս հայտարարությունն ուշագրավ է այնքանով, որ բացահայտում է, որ երեկ եռակողմ հանդիպում, այդուհանդերձ, տեղի է ունեցել, թեև երեկ էլ ՌԴ նախագահի խոսնակը հայտարարել էր, որ Պուտին-Փաշինյան-Ալիև եռակողմ հանդիպում նախատեսված չէ:
Սպասենք, թե հայկական կողմը պաշտոնապես ինչպես է հերքելու Պուտինին...