ԱՄՆ-ն սպառնում է ֆիզիկապես վերացնել Վլադիմիր Պուտինին. Լավրով
Պենտագոնի «անանուն պաշտոնյաների» հայտարարությունները՝ Կրեմլին «գլխատող հարված» հասցնելու մասին, ըստ էության, խոսում են ռուսական պետության ղեկավարի ֆիզիկական ոչնչացման սպառնալիքի մասին։
Այս մասին ՏԱՍՍ-ին տված հարցազրույցում ասել է ՌԴ ԱԳ նախարար Սերգեյ Լավրովը։
«Վաշինգտոնը բոլորից հեռու գնաց. այնտեղ Պենտագոնի որոշ «անանուն պաշտոնյաներ» իրականում սպառնացել են «գլխատող հարված» հասցնել Կրեմլին, իրականում խոսքը գնում է ռուսական պետության ղեկավարի ֆիզիկական ոչնչացման սպառնալիքի մասին։ Եթե ինչ-որ մեկի կողմից նման գաղափարներ իրականում գեներացվում են, ապա այդ մեկը պետք է շատ ուշադիր մտածի նման ծրագրերի հնարավոր հետեւանքների մասին»,- ասել է Լավրովը։
Բացի այդ, ՌԴ ԱԳՆ ղեկավարը հիշեցրել է միջուկային ոլորտում Արևմուտքից եկող առճակատման ազդանշանները․
«Կարծես թե նրանք բոլորովին հրաժարվեցին ցանկացած պարկեշտությունից։ Այդ ամենը, մասնավորապես ակնհայտ դարձավ, երբ տխրահռչակ Լիզ Թրասը (Մեծ Բրիտանիայի նախկին վարչապետ) առանց կասկածի նախընտրական բանավեճի ժամանակ հայտարարեց, որ միանգամայն պատրաստ է միջուկային հարվածի հրաման տալ»։
