Կարդացեք նաև
«Ադրբեջանի այսօրվա իշխանությունների նպատակը ոչ թե սահմանազատումն է կամ Արցախը սեփական կազմում ունենալը, այլ՝ ՀՀ ամբողջական բռնազավթումը». Արտյոմ Տոնոյան
Արևելագետ արտյոմ տոնոյանը ֆեյսբուքյան իր էջում գրում է․ «Ադրբեջանի իշխանությունների կողմից 2018թ. էս կողմ վերակենդանացված «Ղարաբաղի ադրբեջանական համայք» կոչվող մի կազմակերպություն կար, որին ուզում էին դարձնել բանակցային գործընթացի մասնակից այն բանից հետո, երբ ՀՀ իշխանությունները հայտարարում էին, որ Արցախը պիտի վերադառնա բանակցությունների սեղան։

Էս կազմակերպության նախագահը Թուրալ Գանջալիևն էր, ով 2020թ. փետրվարին իշխող «Նոր Ադրբեջան» կուսակցության ցուցակով անցավ խորհրդարան՝ իբր որպես «Ղարաբաղից ընտրված»։

Հիմա սրան ասել են դու նոր պաշտոն ունես, պիտի դառնաս «Սևան-Զանգեզուրյան հանրապետության» նախագահ։

Սա էլ ոգևորված էսօր ազդարարում է այդ «հանրապետության» հռչակումը, հետո, սակայն, հանում է գրառումը հավանաբար այն բանից հետո, երբ սրա տերերը հասկանում են, որ կարող է հանկարծ «խիյարը թարս աճել»։

Արժե օգտագործել՝ համապատասխան տեղերում ցույց տալու համար, որ Ադրբեջանի այսօրվա իշխանությունների նպատակը ոչ թե ՀՀ հետ սահմանազատումն է կամ Արցախը սեփական կազմում ունենալը, այլ՝ ՀՀ ամբողջական բռնազավթումը»։
19 Սեպտեմբեր‎ 2022 - 17:19
122
Աղբյուր 168.am

Բաժանորդագրվեք մեր Ֆեյսբուկյան էջում, եղեք տեղեկացված և տեղեկացրեք։

Կարդացեք նաև