«Բարգավաճ Հայաստան» կուսակցության ղեկավար Գագիկ Ծառուկյանի դուստրը՝ Ռոզա Ծառուկյանը, և նրա ամուսինը՝ Կոտայքի նախկին մարզպետ Կարապետ Գուլոյանը, հրավիրվել են ՀՀ գլխավոր դատախազության՝ ապօրինի ծագում ունեցող գույքի բռնագանձման վարչություն։
Տեղեկությունը «Հայկական ժամանակին» հաստատեցին դատախազությունից:
Ռոզա Ծառուկյանը և Կարապետ Գուլոյանը հրավիրվել են դատախազություն՝ ապօրինի ծագում ունեցող գույքի բռնագանձման վարույթի շրջանակներում՝ ծանոթանալու գործի նյութերին, ներկայացնելու դիրքորոշում, ինչպես նաև հայտարարագիր:
Վերջիններս պետք է դատախազություն ներկայանան հոկտեմբերի 6-ին: