«hraparak.am»-ն իր տվյալներն է ներկայացրել, թե ով է Պեմզաշենում սարսափազդու սպանության կասկածյալը, որի ձերբակալման մասին տեղեկացրել են իրավապահները.

«Ոստիկանները ձերբակալել են Պեմզաշենում 31-ամյա կնոջը և նրա 2 երեխաներին դաժանաբար սպանած տղամարդուն։

Հրապարակի տեղեկություններով, ձերբակալվածը Պեմզաշեն գյուղի բնակիչ, 32-ամյա Վրույր Բարսեղյանն է։

Ըստ մեր տեղեկությունների, նա ծանոթ է եղել այս ընտանիքի նիստուկացին, տեղյակ է եղել, որ 31-ամյա Զարինեի ամուսինն արտագնա աշխատանքի է մեկնում, երբեմն փող ուղարկում։ Նա մի քանի անգամ շփվել է այս ընտանիքի անդամների հետ, երբեմն նրանց շանը կերակրել է, ամենայն հավանականությամբ այդ պատճառով էլ շունը չի հաչել նրա՝ այդ տուն ներս խուժելու ժամանակ։ Ըստ որոշ տեղեկությունների, 32 ամյա Վրույև Բարսեղյանն ունի հոգեկան որոշ խնդիրներ»։